އަހަރީ އާންމު ޖަލްސާގެ ދަޢުވަތު

އަލްފާޟިލް ޢާމިރު މަންސޫރު އެސްޓީއޯ ބޯޑުގެ ޗެއަރމަންގެ ގޮތުގައި އައްޔަންކުރެވިފައިވަނީ 05 ޑިސެމްބަރ 2023 ގައެވެ. އޭނާ ތަމްސީލުކުރަނީ ކުންފުނީގެ އަޣުލަބިއްޔަތު ޙިއްޞާދާރު ކަމުގައިވާ ދިވެހި ސަރުކާރެވެ. ޢާމިރު ވަނީ ޓާރލެކް ޔުނިވަރސިޓީން މާސްޓަރ އޮފް ބިޒްނަސް އެޑްމިނިސްޓްރޭޝަން ސަނަދުގެ އިތުރުން، ސިންގަޕޯރ މެނޭޖްމަންޓް ޔުނިވަރސިޓީން އެގްޒެކެޓިވް ޑިޕްލޮމާ އިން ޑިރެކްޓަރޝިޕް ޙާޞިލުކޮށްފައެވެ. އަދި، މެލޭޝިޔާގެ އިންސްޓިޓިއުޓް އޮފް އެންޓަރޕްރައިޒް ރިސްކް ޕްރެކްޓިޝަނަރސްއިން ކޮލިފައިޑް ރިސްކް ޑިރެކްޓަރ ޕްރޮގްރާމްވެސް ފުރިހަމަކޮށްފައިވެއެވެ. ވިޔަފާރި ތަރައްޤީކުރުމާއި މެނޭޖްމަންޓްގެ ދާއިރާގައި 37 އަހަރަށްވުރެ ގިނަ ދުވަހުގެ ތަޖުރިބާ ލިބިފައިވާ ފަންނުވެރި ވިޔަފާރިވެރިއެއްގެ ގޮތުގައި، އޭނާ ދަނީ އެކި ދާއިރާތަކުގައި ގިނަ ވިޔަފާރިތަކެއް ޤާއިމުކޮށް އިސްކޮށް ހިންގުމުގައި މުހިންމު ދައުރެއް އަދާކުރަމުންނެވެ. އަލްފާޟިލް ޢާމިރު މަންސޫރަކީ މިވަގުތު ލިލީ އިންޓަރނޭޝަނަލް ޕްރައިވެޓް ލިމިޓެޑް، ކާޕެ ޑިއެމް މޯލްޑިވްސް ޕްރައިވެޓް ލިމިޓެޑް، ގްރޭޕް އެކްސްޕެކްޓޭޝަން ޕްރައިވެޓް ލިމިޓެޑް، ސޯލްޓް އެންޑް ރޮކް ރިއަލް އެސްޓޭޓް ޕްރައިވެޓް ލިމިޓެޑް، ހުރުވަޅި ބީޗް ރިސޯޓް އިންވެސްޓްމަންޓްސް ޕްރައިވެޓް ލިމިޓެޑް، މެރިކަލްޗަރ މޯލްޑިވްސް ޕްރައިވެޓް ލިމިޓެޑް، އަދި އެޗް.އައި.އެމް މެނޭޖްމަންޓް ކޮމްޕެނީ ސަރވިސަސް ޕްރައިވެޓް ލިމިޓެޑްގެ މެނޭޖިންގ ޑިރެކްޓަރެވެ. ހަމަމިއާއެކު، އޭނާ ދަނީ މޯލްޑިވްސް ލައިވްއަބޯޑް އެސޯސިއޭޝަންގެ އެގްޒެކެޓިވް ބޯޑު މެމްބަރުކަން އަދި 2023 އިން ފެށިގެން ނޭޝަނަލް ބޯޓިންގ އެސޯސިއޭޝަން އޮފް މޯލްޑިވްސްގެ ރައީސްގެ މަގާމްވެސް އަދާކުރަމުންމެވެ. މީގެއިތުރުން، އޭނާ ވަނީ 2012 އިން 2019 އަށް އެސްޓީއޯ ބޯޑުގެ ޑިރެކްޓަރުކަންވެސް އަދާކޮށްފައެވެ. ޢާމިރު ތަމްސީލުކުރައްވަނީ ސަރުކާރުގެ 919,869 ހިއްސާއެވެ. އަދި އޭނާގެ އަމިއްލަ ހިއްސާއެއް ކުންފުނީގައި ނޯވެއެވެ.

ޝިމާދު އިބްރާހީމް އެންމެ ފުރަތަމަ ޑިރެކްޓަރުންގެ ބޯޑަށް އައްޔަންކުރެވުނީ މެއި 2019 ގައެވެ. އަދި ކުންފުނީގެ މެނޭޖިންގ ޑިރެކްޓަރުގެ މަގާމަށް ޢައްޔަންކުރެވިފައިވަނީ ނޮވެމްބަރ 2023 ގައެވެ. ޗާޓަރޑް އެކައުންޓަންޓެއްގެ ގޮތުގައި 20 އަހަރަށްވުރެ ގިނަ ދުވަހުގެ ތަޖުރިބާ ލިބިވަޑައިގެންފައިވާ ޝިމާދު ވަނީ މެލޭޝިއާގެ އިންޓަރނޭޝަނަލް އިސްލާމިކް ޔުނިވަރސިޓީން ބެޗްލަރ އޮފް އެކައުންޓިންގ (އޮނަރސް) ޑިގްރީ ހާސިލުކުރައްވާފައެވެ. އަދި އެ ޔުނިވާސިޓީގެ މެނޭޖްމަންޓް އެކައުންޓިންގ ދާއިރާއިން އެންމެ މޮޅު ދަރިވަރުގެ ގޮތުގައި ފާހަގަކުރެވިފައިވެއެވެ. ޝިމާދަކީ އެސް.އެފް.ޖީ ކޯޕަރޭޓް ސަރވިސަސް، އެސް.އެފް.ޖީ ލޮޖިސްޓިކްސް، އެސް އެންޑް އޭ ޓެކްސް އެންޑް ފައިނޭންޝަލް ސަރވިސަސް، ލީސާ މޯލްޑިވްސް އަދި މޯލްޑިވްސް އިންޑަސްޓްރިއަލް ޑިވެލޮޕްމަންޓް ފްރީ ޒޯން ޕީ.އެލް.ސީގެ ޑިރެކްޓަރެއްވެސްމެއެވެ. މީގެ އިތުރުން އޭނާއަކީ، މޯލްޑިވްސް ނޭޝަނަލް އޮއިލް ކޮމްޕަނީ ލިމިޓެޑްގެ ޗެއަރމަންއެވެ. އަލްފާޟިލް ޝިމާދު އިބްރާހިމްގެ ފާހަގަކޮށްލެވޭ ކާމިޔާބު މަސައްކަތުގެ ދާއިރާގައި ފުރުއްވާފައިވާ އިސް މަގާމުތަކުގެ ތެރޭގައި ވިލާ ގްރޫޕްގެ ޗީފް ފައިނޭންޝަލް އޮފިސަރުގެ މަގާމާއި، މޯލްޑިވްސް އިސްލާމިކް ބޭންކުގެ ހެޑް އޮފް ފައިނޭންސްގެ މަގާމުގެ އިތުރުން މިނިސްޓްރީ އޮފް ފައިނޭންސްގެ ޗީފް ފައިނޭންސް އެގްޒެކެޓިވްގެ މަގާމު ހިމެނެއެވެ. މީގެ އިތުރުން، މޯލްޑިވްސް އިސްލާމިކް ބޭންކް ޕީ.އެލް.ސީ، މޯލްޑިވްސް ޓޫރިޒަމް ޑިވެލޮޕްމަންޓް ކޯޕަރޭޝަން (އެމް.ޓީ.ޑީ.ސީ)، ތިލަފުށި ކޯޕަރޭޝަން ލިމިޓެޑް، އަޕަރ ސައުތު ޔޫޓިލިޓީސް ލިމިޓެޑް އަދި ފެނަކަ ކޯޕަރޭޝަންގެ ބޯޑު ޑިރެކްޓަރުކަން ވެސް ވަނީ ކުރައްވާފައެވެ. އަދި ގައުމީ ފެންވަރުގައި މާލީ ކަންކަން ބެލެހެއްޓުމުގައި ނޭޝަނަލް ޑެޓް މެނޭޖްމަންޓް ކޮމިޓީގެ މެންބަރެއްގެ ގޮތުން ވެސް އޭނާ ވަނީ މުހިންމު ދައުރެއް އަދާކުރައްވާފައެވެ. ޝިމާދު ތަމްސީލުކުރައްވަނީ ސަރުކާރުގެ 919،869 ހިއްސާއެވެ. އަދި އޭނާއަކީ އަމިއްލަގޮތުން ކުންފުނީގެ 55 ހިއްސާގެ ވެރިފަރާތެވެ.

އަލްފާޟިލް މުޙައްމަދު ނިޒާމް އެސްޓީއޯގެ ޑިރެކްޓަރުންގެ ބޯޑަށް ޢައްޔަންކުރެވިފައިވަނީ 18 މާރިޗް 2021 ގައެވެ. ކުންފުނީގެ ބޯޑު ޑިރެކްޓަރެއްގެ އިތުރުން އޭނާއަކީ މިވަގުތު ކުންފުނީގެ ޗީފް ފައިނޭންޝަލް އޮފިސަރވެސްމެއެވެ. ނިޒާމް އެސްޓީއޯއާއި ގުޅިވަޑައިގެންނެވީ 2010 ވަނަ އަހަރުގައެވެ. ނިޒާމް ވަނީ ޕްރޮކިއުމަންޓް ޑިޕާޓްމަންޓްގެ އިސްވެރިޔާގެ މަގާމްގެއިތުރުން، ޗީފް ރިސްކް އޮފިސަރުކަމާއި، ސީނިއަރ ފައިނޭންސް މެނޭޖަރކަމުގެ އިތުރުން، އައިޓީ ޑިޕާޓްމަންޓްގެ ސީނިއަރ އިންފޮމޭޝަން ސިސްޓަމް މެނޭޖަރ ފަދަ މުހިންމު މަޤާމުތަކުގައި ފާހަގަކޮށްލެވޭ ޚިދުމަތްތަކެއް ކުރައްވާފައެވެ. މިވަގުތު ނިޒާމް ހުންނެވީ ރޭސުޓް މޯލްޑިވްސް ސިމެންޓް ޕްރައިވެޓް ލިމިޓެޑްގެ ޗެއަރމަންގެ މަޤާމުގައާއި، އެސްޓީއޯ މޯލްޑިވްސް (ސިންގަޕޯރ) ޕްރައިވެޓް ލިމިޓެޑްގެ ޗެއަރމަންގެ މަޤާމުގައާއި، މޯލްޑިވްސް ނޭޝަނަލް އޮއިލް ކޮމްޕެނީ ލިމިޓެޑްގެ ބޯޑު ޑިރެކްޓަރގެ މަޤާމުގައެވެ. އަދި މީގެ ކުރިން އޭނާވަނީ ފިއުލް ސަޕްލައިސް މޯލްޑިވްސްގެ ޗެއަރމަންގެ މަޤާމުވެސް ފުރުއްވާފައެވެ. ހަމައެހެންމެ، މޯލްޑިވްސް ސްޓޭޓް ޝިޕިންގ ކޮމްޕެނީ ޕްރައިވެޓް ލިމިޓެޑްގެ ބޯޑު ޑިރެކްޓަރ އަދި މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ ލިމިޓެޑްގެ ބޯޑު ޑިރެކްޓަރގެ މަގާމާއި، ފެނަކަ ކޯޕަރޭޝަންގެ ބޯޑު މެންބަރުކަމުގެ މަގާމްގެ އިތުރުން، ނިޒާމް ވަނީ އެލައިޑް އިންޝުއަރެންސް ކޮމްޕެނީ އޮފް ދަ މޯލްޑިވްސް ޕްރައިވެޓް ލިމިޓެޑްގެ ބޯޑު އޮފް ޑިރެކްޓަރުންގެ ޗެއަރމަންގެ މަޤާމުވެސް ފުރުއްވާފައެވެ. މީގެއިތުރުން، އޭނާވަނީ މޯލްޑިވްސް ސްޓޮކް އެކްސްޗޭންޖްއާއި މޯލްޑިވްސް ސެކިއުރިޓީސް ޑިޕޮސިޓަރީގައިވެސް ބޯޑު މެންބަރުކަން އަދާކުރައްވާފައެވެ. ނިޒާމް ވަނީ އޮސްޓްރޭލިއާގެ ޔުނިވަރސިޓީ އޮފް ބަލަރާޓުން ފައިނޭންޝަލް މެނޭޖްމަންޓް ދާއިރާއިން މާސްޓަރސް ޑިގްރީ އިން ބިޒްނަސް އެޑްމިނިސްޓްރޭޝަން ހާސިލުކުރައްވާފައެވެ. އަދި އިނގިރޭސިވިލާތުގެ ޔުނިވަރސިޓީ އޮފް އީސްޓް ލަންޑަނުން ފައިނޭންސް އެންޑް އެކައުންޓިންގ ދާއިރާއިން ބެޗްލަރ އޮފް އާޓްސް (އޮނަރސް) ޑިގްރީ ހާސިލުކުރައްވާފައެވެ. މީގެއިތުރުން، އޭނާއަކީ ޗަރޓަޑް އިންސްޓިޓިއުޓް އޮފް މެނޭޖްމަނަޓް އެކައުންޓަންޓްސް (އެފްސީއެމްއޭ، ސީޖީއެމްއޭ)، ގެ ފެލޯ މެމްބަރެކެވެ. އޭނާއަކީ އިންސްޓިޓިއުޓް އޮފް އެންޓަރޕްރައިސް ރިސްކް ޕްރެކްޓިޝަނަރޒްގެ ޕްރޮފެޝަނަލް މެންބަރެއްގެ އިތުރުން ސަރޓިފައިޑް އެންޓަރޕްރައިޒް ރިސްކް އެޑްވައިޒަރއެކެވެ. ހަމަމިއާއެކު، އެސް.އޭ.ޕީ ފައިނޭންސް އެންޑް ކޮންޓްރޯލިނ މޮޑިއުލްގެ ސަރޓިފައިޑް އެސޯސިއޭޓް ކޮންސަލްޓަންޓެކެވެ. ނިޒާމް ތަމްސީލުކުރައްވަނީ ސަރުކާރުގެ 919,869 ހިއްސާއެވެ. އަދި ކުންފުނީގައި އަމިއްލަ ހިއްސާއެއް ނޯވެއެވެ.

އަލްއުސްތާޛް ދާނިޝް މުޙައްމަދު އަމީން އެސްޓީއޯގެ ބޯޑަށް އައްޔަންކުރެވިފައިވަނީ 18 ޑިސެމްބަރ 2023 ގައެވެ. ދާނިޝްވަނީ އިނގިރޭސިވިލާތުގެ ޔުނިވަރސިޓީ އޮފް ވާރވިކް އިން ބެޗެލާރސް ޑިގްރީ އިން ލޯ (އޮނަރސް) އަދި ޔުނިވާސިޓީ އޮފް އިންކޯޕަރޭޓިންގް ކޮލެޖް އޮފް ލޯ އިން ލީގަލް ޕްރެކްޓިސް ކޯސް ނިންމަވާ ސޮލިސައިޓާއަކަށް ކޮލިފައިވެފައެވެ. މީގެ އިތުރުންވެސް އެނާއަކީ، ޗާރޓާރޑް އިންސްޓިއުޓް އޮފް އާރބިޓްރޭޓަރސްގެ މެމްބަރެކެވެ. މިހާރު ދާނިޝް ވަޒީފާ އަދާކުރައްވަމުން ގެންދަވަނީ އެސް.އެޗް.ސީ އެންޑް ޓެކްސް ލޯ ފާރމްގެ ލޯޔަރެއްގެ ގޮތުގައެވެ. އެގޮތުން، ގާނޫނީ ދާއިރާގައި އޭނާ ޙާއްސަވެވަޑައިގަންނަވަނީ ބޭންކިންގ، ފައިނޭންސް، ޓޫރިޒަމް އަދި އިންފްރާސްޓްރަކްޗަރ ލޯއަށެވެ. މީގެ އިތުރުން، 2023 ވަނަ އަހަރު ގްލޯބަލް އައި.އެފް.އެލް.އާރ އަދި ޗެމްބަރސް އެންޑް ޕަރޓްނަރޒް އިން ދާނިޝްވަނީ ރައިޒިންގ ސްޓާރ ޕަރޓްނަރެއްގެ ގޮތުގައި ދަރަޖަކުރެވިފައެވެ. ހަމައެހެންމެ، 2019 އަދި 2023 ވަނަ އަހަރު އޭޝިޔާ ލޯ އިން މަރޖަރސް އެންޑް އެކުއިޒިޝަންސް ޕްރެކްޓިޝަނަރ އެއްގެ ގޮތުގައި ރޭންކް ކުރެވިފައެވެ. އޭނާގެ ގާނޫނީ މަސައްކަތުގެ އިތުރުން، ދާނިޝްވަނީ ވިލާ ކޮލެޖުގައި ވިޒިޓިންގ ލެކްޗަރަރއެއްގެ މަގާމްވެސް އަދާކުރައްވާފައެވެ. އަލްއުސްތާޛް ދާނިޝް މުޙައްމަދު އަމީން ތަމްސީލުކުރައްވަނީ ސަރުކާރުގެ 191،869 ހިއްސާއެވެ. އަދި ކުންފުނީގައި އަމިއްލަ ހިއްސާއެއް ނޯވެއެވެ.

އަލްފާޟިލާ ޢާއިޝަތު ފަޒީނާ އެސްޓީއޯގެ ބޯޑަށް ޢައްޔަންކުރެވިފައިވަނީ 11 މާރިޗް 2025 ގައެވެ. ފަޒީނާއަކީ އެސޯސިއޭޝަން އޮފް ޗާޓަޑް ސަރޓިފައިޑް އެކައުންޓަންޓްސް (އޭސީސީއޭ) ގެ އެފިލިއޭޓް މެމްބަރެކެވެ. ފަޒީނާ ވަނީ ޔުނިވަރސިޓީ އޮފް ވެސްޓް އޮފް އިންގްލޭންޑް އިން މާސްޓަރސް އޮފް ބިސްނަސް އެޑްމިނިސްޓްރޭޝަން ފުރިހަމަކުރައްވާފައެވެ. މީގެ އިތުރުން، އޭނާވަނީ އޮކްސްފޯޑް ބްރޫކްސް ޔުނިވަރސިޓީން ބެޗެލަރސް އޮފް ސައިންސް އިން އެޕްލައިޑް އެކައުންޓިންގ ހާސިލްކުރައްވާފައެވެ. ހަމައެހެންމެ، ފަޒީނާ ވަނީ ސިންގަޕޯރ މެނޭޖްމަންޓް ޔުނިވަރސިޓީން އެގްޒެކެޓިވް ޑިޕްލޮމާ އިން ޑިރެކްޓަރޝިޕް އަދި ސީއެމްޑީއޭގެ ޑިރެކްޓަރސް ޓްރެއިނިންގ ޕްރޮގްރާމްވެސް ފުރިހަމަކުރައްވާފައެވެ. އޭނާ މިހާރު ވަޒީފާ އަދާކުރަމުންގެންދަނީ ވޯލްޑިވްސް ޕްރައިވެޓް ލިމިޓެޑްގައި އެކައުންޓެންޓްއެއްގެ ގޮތުގައެވެ. މީގެ ކުރިން އޭނާވަނީ ގިނަ ކުންފުނިތަކެއްގައި ބޯޑް ޑިރެކްޓަރުކަމުގެ މަގާމް ފުރުއްވާފައެވެ. އެގޮތުން، މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ)، މޯލްޑިވްސް ޓޫރިޒަމް ޑިވެލޮޕްމަންޓް ކޯޕަރޭޝަން (އެމްޓީޑީސީ)، އަދި މޯލްޑިވްސް ޕެންޝަން އެޑްމިނިސްޓްރޭޝަން އޮފީސް (އެމްޕީއޭއޯ) ގެ ބޯޑު ޑިރެކްޓަރުކަމުގެ މަގާމް ފުރުއްވާފައިވެއެވެ. އަދި 2018 ގައި އެސްޓީއޯގެ ބޯޑު ޑިރެކްޓަރގެ މަގާމްވެސް ފުރުއްވާފައިވެއެވެ. ފަޒީނާ ވަނީ ތައުލީމީ ދާއިރާގައިވެސް ގިނަ ޙިދުމަތްތަކެއްކުރައްވާފައެވެ. އެގޮތުން، އޭނާ ވަނީ ވިލާ ކޮލެޖާއި މެޕްސް ކޮލެޖްގެ ވިޒިޓިންގ ލެކްޗަރަރއެއްގެ ގޮތުގައި އަދި ދިވެހިރާއްޖޭގެ ޤައުމީ ޔުނިވަރސިޓީ ގެ ލެކްޗަރަރއެއްގެ ގޮތުގައި މަސައްކަތްކޮށްފައެވެ. ފަޒީނާ ތަމްސީލުކުރައްވަނީ ސަރުކާރުގެ 919,869 ހިއްސާއެވެ. އަދި އޭނާއަކީ އަމިއްލަގޮތުން ކުންފުނީގެ 1 ހިއްސާގެ ވެރިފަރާތެވެ.

އަލްފާޟިލާ ރީޝާ ޢަބްދުލްމުންޢިމް އެސްޓީއޯގެ ބޯޑަށް ޢައްޔަންކުރެވިފައިވަނީ 28 ޖެނުއަރީ 2024 ގައެވެ. ރީޝާ ވަނީ އިންޑިއާގެ ޔުނިވަރސިޓީ އޮފް މައިސޫރުން މާސްޓަރސް އިން ބިޒްނަސް އެޑްމިނިސްޓްރޭޝަން ހާސިލުކުރައްވާ، ސޭލްސް އަދި މަރކެޓިންގެ ދާއިރާއިން ސްޕެޝަލައިޒްވެވަޑައިގެންފައެވެ. އަދި އިންޑިއާގެ ޖޭ.އެސް.އެސް ކޮލެޖް ފޮރ ވިމެންއިން ބެޗްލަރސް އިން ބިޒްނަސް މެނޭޖްމަންޓްގެ އިތުރުން ޑިޕްލޮމާ އިން ފޮރިން ޓްރޭޑް ހާސިލްކުރައްވާފައެވެ. މީގެ އިތުރުން، ރީޝާވަނީ އިނގިރޭސިވިލާތުގެ ޗަރޓަޑް އިންސްޓިޓިއުޓް އޮފް ޕަރސަނަލް ޑިވަލޮޕްމަންޓިން އެސޯސިއޭޓް ޑިޕްލޮމާ އިން އޯގަނައިޒޭޝަނަލް ލާނިންގ އެންޑް ޑިވެލޮޕްމަންޓް ހާސިލްކުރައްވާފައެވެ. އޭނާވަނީ، އައިލެންޑް އޭވިއޭޝަން ސަރވިސަސް ލިމިޓެޑްގެ ލާނިންގ އެންޑް ޑިވެލޮޕްމަންޓް ފަންކްޝަންގެ ސީނިއަރ މެނޭޖަރެއްގެ ގޮތުގައި މަސައްކަތް ކުރައްވާފައެވެ. އަދި އެ ކުންފުނީގެ ކޮމާޝަލް އަދި ހިއުމަން ރިސޯސް ދާއިރާގައި އެކި މަޤާމުތަކުގައި މަސައްކަތްކޮށްފައިވެއެވެ. މީގެއިތުރުން، ފައުންޑޭޝަން ކޯސްތަކުން ފެށިގެން މަރސްޓަރ ކޯސްތަކާއި ހަމައަށް ދަރިވަރުންނަށް ކިޔަވައިދެއްވުމުގައި މެޕްސް ކޮލެޖް، ވިލާ ކޮލެޖް، ކްލިކް ކޮލެޖް، އެވިޑް ކޮލެޖް، އަދި މާލެ ބިޒްނަސް ސްކޫލްގައި ލެކްޗަރކަންވެސް އަދާކުރައްވާފައެވެ. ރީޝާއަކީ، އެމެރިކާގެ ވިމެން އިން އޭވިއޭޝަން އިންޓަނޭޝަނަލްގެ ސިންގަޕޫރު ޗެޕްޓަރގެ މެމްބަރެއްގެ އިތުރުން މޯލްޑިވްސް އެސޯސިއޭޝަން އޮފް ހިއުމަން ރިސޯސް ޕްރޮފެޝަނަލްސް (އެމް.އޭ.އެޗް.އާރް.ޕީ) ގެ މެމްބަރެކެވެ. ރީޝާ ތަމްސީލުކުރައްވަނީ ސަރުކާރުގެ 919,869 ހިއްސާއެވެ. އަދި ކުންފުނީގައި އަމިއްލަ ހިއްސާއެއް ނޯވެއެވެ.